Bohus
(Freda Leask and Trevor Smith 2002)
Hear da saft nots o’ Horeb whisper
Lullin’ wis tae a sleepin’ soond
Facin mists an uncan waaters
Let wis come noo an lay wis doon
An dere sho stod,
Da prood masts high
Nae man wis watchin
Dis faersome moder-dy
Nae man wis lippenin
Dis storm athin da calm
Black wis da Skerry as
Broadside sho’d faan
Runnin doon ower da banks ta see dem
Families cam fae aboot da doors
Hearin’ voices yall oot fur freedom
Uncan voices on uncan shores
A rop med fast
Ta fecht dir wye
Bit nae wye da slip bit tae rocks fae da sky
An nae wye ta grip bit da airms o’ strong Yell men
If da swall raeked dere afore dem
Dey wir gone
Shooder high dey kerried dem as da music rang
‘How can we sing the Lord’s song in this foreign land?’
Men and weemin oot at a gaddery
Waedin in tae tak dir faa
Darkened water has shared its manna
Feast wi swaabies an wi maas
Noo dere sho stands
Her heed held high
A warnin angel
Wi her face tae da sky
Da wird at her heart
An sho’s claed in white
Sho’s a mindful mead
Fur wir deepest night
Hear da saft nots o’ Horeb whisper (Hear da saft nots o’ Horeb whisper)
Lullin’ wis tae a sleepin’ soond (Lullin’ wis tae a sleepin’ soond)
Facin mists an uncan waaters
Let wis come noo an lay wis doon
--
※ 發信站: 批踢踢實業坊(ptt.cc)
◆ From: 218.175.90.201