推 peihwa:是粵劇的帝女花嗎？印象中他好像有說到這個歌名... 01/21 01:22
這是《帝女花--庵遇》的選段
(世顯起唱古譜秋江哭別) (連板面唱) 飄渺間往事如夢情難認﹐百劫重逢緣何埋舊姓﹐
夫妻斷了情﹐唉鴛鴦已定、唉烽煙已靖我偷偷相試佢未吐真情令我驚。
(長平接唱) 唉夭折紅顏命﹐我願棄凡塵伴紅魚和青磬。
敲經斷俗世情﹐雖則烽煙已靖、須知罡風也勁。守身應要避世休談愛戀經。
(世顯接唱) 論理佢應該要失婿認、復合了偷偷暗中喚句卿卿。
----------------------
全折子對白如下
庵遇
(長平「道姑身」挽舊破竹籃﹐背塵拂上介起小曲雪中燕)
孤清清﹐路靜靜﹐呢朵劫後帝女花﹐怎能受斜雪風淒勁﹐
滄桑一載裡餐風雨續我殘餘命﹐鴦鴛劫後此生更不復染傷春症﹐
心好似月掛銀河靜﹐身好似夜鬼誰能認﹐劫後弄玉怕簫聲﹐說甚麼連理能同命。
(反線二王) 念國亡父崩母縊﹐妹夭﹐弟離﹐剩我借一死避世敲經﹐
孰憐駙馬空枉有誓盟定﹐怕憶劫後情﹐誰願再認﹐只有落葉伴殘命﹐
一哭國土血尚腥﹐再哭父死未得葬皇陵﹐奈何佛法難護 庇唉枉敲青馨。
(音樂過序) (續唱) 衷帝女念盡阿彌﹐難把國魂﹐喚醒。
(白) 老姑姑都已經在月前死去﹐呢個新嚟既主持﹐
佢都未識得帝女花飄﹐更未解憐香惜玉﹐當此快雪初晴﹐使命我把山柴拾取﹐唉﹐
(詩白) 正是不求樂昌圖破鏡﹐祇憑魂夢哭皇睦。
(黯然下介)
(世顯上介慢板下句) 我飄零猶似斷蓬船﹐慘淡更如無家犬﹐哭此日山河易主﹐
痛先帝白練無情。歌罷酒筵空﹐夢斷巫山鳳﹐雪膚花貌化遊魂﹐玉砌珠簾皆血影。
幸有涕淚哭茶庵﹐愧無青塚祭芳魂﹐落花已隨波浪去﹐不復有粉剩﹐脂零。
(起小曲寄生草) 泠冷雪蝶臨梅嶺﹐曲中絃斷香銷劫後城﹐此日紅閣有誰個悼崇禎﹐
我燈昏夢醒哭祭茶亭釵分玉碎想想殉身歸幽冥。帝后遺骸誰願領。
碧血積荒徑 (長平「經已取得少許山柴」食住從殘橋上介接唱)
雪中燕 已是埋名和換姓﹐今生長願拜觀音掃銀瓶。(並不看見世顯直入維摩並掩門介)
(世顯覺得道姑酷似宮主白)
哎吔﹐點解呢個道姑咁似長平宮主呢吓﹐莫不是宮主佢幽魂現眼
(介) 唔會係道姑打扮﹐
(介) 莫不是宮主佢假托夭亡避世﹐尚在人間﹐
呀﹐我記得宮主夭亡之日﹐是我殉愛之時﹐周家瑞蘭佢曾經有一句相關說話﹐
但話有緣生死能相會﹐無情對面不相逢﹐
呀﹐莫不是有蹺蹊在內﹐唔得﹐等我扣門一間至得﹐
呀﹐呢處佈蓮界庵堂地﹐我要稍存禮 貌﹐都未敢造次。
(斯斯文文上前敲門介) 師傅﹐開門。 (長平開門重一才慢的的先鋒鈸復掩門)
(世顯白) 哎吔﹐點解佢閉門不納﹐事更可疑﹐待我衝門而進至得。
(長平冷然間白) 請問 呢位施主衝門﹐是借茶還是拜佛呀
(世顯曰) 師傅﹐我一不是借茶﹐二不是拜佛﹐我有句說 話﹐想求師傅你點化啫﹐
你何以閉門不納呢﹖
(長平白) 庵內無人﹐主持未返﹐俗世男女都尚且授受不親﹐又何佛門清靜地。
(世顯白) 哦﹐師傅有禮。(一揖)
(長平還揖介白) 施主有禮。
(世顯苦笑口古) 師傅﹐你係一個出家人﹐容我問一句塵俗話﹐
所謂劫火餘生﹐恍同隔世﹐雖則難記興亡事﹐花月總留痕 …
我 … 我 … 我同亞道姑好似曾相識﹐望你把前塵細認。
(長平故作驚羞狀口古) 施主﹐想貧道半世清修都未經劫火﹐
世外人十年來都祇知敲經唸佛﹐幾曾沾染過俗世風情。
(世顯白) 你係出家人講清修﹐我地俗世人講俗話﹐
所以俗語都有話﹐山居方一日﹐世上已千年﹐
你所謂十載敲經﹐莫不是比如一年念佛咋掛﹐
照我睇亞道姑你﹐你守戒清修﹐最多不過係一年光景。
(長平白) 哎吔﹐施主﹐照我睇你係一個讀書人﹐似乎的說話唔應該講得咁輕薄噃﹐
貧道入庵十年都尚有主持可証﹐
呀﹐須知不是可憐人﹐都不入清規地﹐既入清規地﹐出語寧有不成呢﹐
(世顯黯然嘆息悲咽口古) 唉﹐師傅 我不是傷心人﹐都不作傷心語﹐
既是傷心人﹐才有錯把曇花當作宮花認啫。
(長平見狀略不 忍介口古)
哦﹐施主﹐原來你唔係一個輕薄兒﹐卻是一個滄桑客﹐
好啦﹐等我番入去代你燒 多柱香﹐望觀音大士佢慈航普渡﹐保祐你福壽康寧。
(世顯故意口古) 咁多謝叻﹐呀﹐師傅 我應該長拜佛們慈悲嘅。
一問道站你貴姓呀。
(長平還揖介口古) 嘢﹐貧道俗身姓沈﹐法號慧清。
(世顯起唱古譜秋江哭別) (連板面唱) 飄渺間往事如夢情難認﹐百劫重逢緣何埋舊姓﹐
夫妻斷了情﹐唉鴛鴦已定、唉烽煙已靖我偷偷相試佢未吐真情令我驚。
(長平接唱) 唉夭折紅顏命﹐我願棄凡塵伴紅魚和青磬。
敲經斷俗世情﹐雖則烽煙已靖、須知罡風也勁。守身應要避世休談愛戀經。
(世顯接唱) 論理佢應該要失婿認、復合了偷偷暗中喚句卿卿。
(細聲叫白) 唉﹐徽妮﹐宮主。
(長平詐作愕然介白) 哎吔﹐施主你叫喚何人﹖(世顯白) 我叫喚宮主。
(長平白) 宮主係施主何人﹖(世顯白) 啊﹐宮主係我個妻房。
(長平白) 吓﹐施主你叫喚妻房﹐應該在家中叫﹐房中叫。何解會叫到佛門清靜地既呢。
(按唱) 俗世塵緣事我唔願聽、你莫尋偶清規地﹐將觀音兩番誤作湘卿﹐你似瘋顧。
我不禁失驚暗中念句經﹐我今 已剃度半生夢已醒。
勸君休錯認﹐我才十歲﹐經棲身歸依佛法一心拜神靈。
(世顯食住序台口白) 吓﹐乜你咁忍心真係唔肯認我﹐試問誰無骨肉之親﹐
誰無父女之情呢。等我講吓先帝崇禎既慘事﹐若果佢喊親呢﹐不問而知就梗係宮主叻﹐
等我試吓你至得。
(接唱) 復復向前 朝認﹐嘆崇禎巢破家傾﹐
你可有為佢沉痛沉痛敲經、靈台裡﹐嘆孤清月照泉台靜﹐一對臘燭也無人奉敬。
(長平失聲痛哭介) (世顧白) 哎吔﹗師傅﹐乜你喊呀﹐呀﹐唔通你就係宮主。
(長平愕然不知所措答介) (白) 施主﹐你錯咯﹐皇帝係為我地而死既﹐
試問我地又點可以唔喊呢。
(悲咽接唱) 我哭故國凋零﹐問誰個能忘佢自縊在煤閣、謝民愛甘犧牲性命﹐
感先帝哭絕了聲。
(世顯接唱) 深宮裡有朵帝女花﹐佢既慘處你可再願細聽。
(長平接唱) 帝女花已遭劫難我不願再聽﹐怕荒山冷靜﹐
誰願與君孤單相對犯了清規玷辱了名。
(白) 施主﹐我都知道你係一個傷心人﹐但可惜呢處唔係傷心地﹐
恕貧道不能奉陪﹐我告退喇﹐阿彌陀佛。(欲下介)
(世顯搶住叫白) 哎吔﹐師傅你唔好行住﹐我想求吓你。
(接唱) 你帶我去燒香懺吓舊情。(欲入庵)
(攔住接唱) 仙庵寶毆多清淨﹐不要凡人妄敲經。莫忘形。
勸君勸君再莫染情狂病﹐更未許再留停。
(世顯白) 師傅﹐要你帶我入去燒香你都話唔肯﹐你唔帶我我自己去。
(向庵一沖二沖三沖介)
--
※ 發信站: 批踢踢實業坊(ptt.cc)
◆ From: 118.168.180.54
→ roachkiller:請參128 & 3421 2篇 06/13 09:10