推 smilecat0122: 謝謝分享 12/22 18:51
推 jenny0816: 謝謝分享 12/22 23:08
推 evilrabbit: 感謝分享 12/23 00:28
【01眾故事】 陳奕迅(上集)《L.O.V.E.》險難產 出實體碟為啖氣？
來源：https://bit.ly/2EGkbA1
（內有影片）
陳奕迅（Eason）即將推出新專輯《L.O.V.E.》記錄與DUO Band八年情，專輯由各成員一
人一歌結集而成，對DUO Band及樂迷來說也是相當有份量的禮物。今時今日Eason堅持出
實體碟，是為啖氣？還是為了延續那份能緊握在手的溫度？
攝影：黃寶瑩
今時今日買實體碟為乜？ 「係為咗儲起個回憶！」
面對時代洪流，樂迷聽歌習慣改變，智能電話已取代CD機，甚至大型唱片店亦相繼倒閉，
到底今時今日出實體碟是秉承傳統還是「執迷不悔」呢？Eason直言：「重點唔係在於仲
有幾多人買碟！仲會買碟嘅朋友係想儲返呢件事，係一個紀念品，有幾多人有CD機吖依家
？」的確，實體載體逐漸被電子產品的便利取替，但市場仍然有人反其道而行，正因為實
體載體有一份無法取代的溫度。
無論環境如何改變，Eason做音樂的心態依舊：「我哋都係咁做音樂，係一個好大嘅興趣
，係奢侈㗎！但我又唔識做第二啲嘢，而且呢樣嘢係做得最好嘅，仲有咁多人陪你一齊癲
，只不過係銷售方法唔同咗之嘛！」
一次個拎住三十幾隻碟嚇親張學友 「我係有買碟情意結！」
相信大家也能體會到Eason對實體碟的熱愛，他更分享一個向偶像張學友「挑機」的小故
事。有次Eason一口氣帶三十多張CD給學友簽名，他回想起也忍俊不禁：「我都幾唔好意
思，因為一次過要簽晒三十幾隻都幾甘！哈哈！」Eason更問學友是否清楚每一次專輯的
推出順序，豈料對方神回一句：「呢樣嘢你唔夠我熟㗎喇！」然後有條不紊地逐一排好次
序。Eason回想起那時情景，大讚學友的記憶力：「所以佢咪係我偶像，我連呢樣嘢都學
埋佢！哈哈！」
受David Bowie、Prince啟發 《L.O.V.E.》爭啲變「隱世」專輯？
有留意Eason的樂迷都知道，《L.O.V.E.》專輯基本上在2013年已完成，經歷種種原因才
於今年推出。原來他差點效法英國傳奇歌手David Bowie的做法，將專輯留待離世後才推
出：「大吉利是講句，如果我有病，我就會好似David Bowie咁plan。當時佢出完《
Blackstar》之後兩日就過咗身，佢係用呢張專輯向大家say goodbye。所有嘢佢都plan好
晒，真係好勁！」
Eason豁達說：「《L.O.V.E.》本來有呢個意味，反正遲遲都未推出，咪等遲啲先出囉！
好似Prince咁，留待佢死後大家先發現佢有咁多歌未發表，只係冇得現身宣傳咁解啫。」
每當談及生死，都會有讀者覺得「大吉利是」，但Eason這番話更令讓大家了解到，他做
音樂並非「為做而做」，而是單純地出自喜愛，《L.O.V.E.》的精神能超越時間延續下去
。
---
【01眾故事】陳奕迅(下集)情迷實體唱片質感：我尊重呢件事！
來源：https://bit.ly/2rPML9r
（內有影片）
提起陳奕迅（Eason），大多數人即時聯想到他歌手的身份，但嚴格來說，他是一個唱作
人。除了為自己的專輯寫歌，他亦有為其他歌手創作，但有一件事令他大惑不解，至今仍
然介懷。到底所為何事？
攝影：黃寶瑩
幫人作曲冇名份？ 「我介意㗎！點解冇落我名？」
Eason不只是一位歌手，準確來說是一位唱作人。《那一夜有沒有說》、《反高潮》等歌
曲都是出自他手筆，又曾與陳輝陽合寫《2001太空漫遊》、與黃雙駿合寫《衝口而出》、
與江港生合寫《時代曲》。
關於作曲，有一件事讓Eason耿耿於懷。他首次為別人作曲是1998年羅嘉良的《真說話》
，但卻得不到名份。「我有介意㗎呢件事！點解唔係寫我個名嘅？明明我有份寫㗎喎，點
會好似冇咗我個名？」歷史上錯亂無法追溯，亦不得而知，但無礙Eason繼續為人別寫歌
，到歷史上第一次肯定的是鄭秀文《蕭邦寫過的歌》。他笑言：「其實編曲都好緊要，當
時蔡德才化腐朽為神奇，令成件事好唔同，哈哈！」
黑膠、CD、書藉無可取替 「我好鍾意實體嘅質感！」
黑膠唱片復興，不是因為人人扮文青，也不是因為人人變中產，是因為鍾情它獨特的音色
與質感，Eason亦不例外。「個聲好獨特㗎！然後成個過程你要好珍而重之放好唱盤，鑽
石造嘅唱針劃過灰塵，發出淅瀝沙啦嘅聲，再播出『我等着你回來……』呢啲國語流行曲
，黑膠就係有呢種聲！」Eason眉飛色舞地形容，從他的表情也能感受到他的熱愛。除了
音色，唱片封套也是令他着迷的地方：「個artwork係大啲靚啲，四方形好似菲林咁，係
一件事嚟㗎！」
除了黑膠，Eason對其他傳統事物情有獨鍾，他家中有一個擺有CD櫃的走廊，不單是唱片
封面美觀，還有出於尊重。書籍亦同樣，紙張的觸感，不同材質的氣味，而且手動逐頁揭
是平板電腦無法取代。「周邊事物不斷進步，但我哋(人類)都冇咩點進化啫！思想可能有
，但我哋仍然得十隻手指，都係眼耳口鼻。我鍾意嘅，就係實體帶畀我嘅感受！」
陳奕迅髮型：Derek Li@Xenter
陳奕迅化妝：Karry Wong
場地提供：柏寧酒店
--
※ 發信站: 批踢踢實業坊(ptt.cc), 來自: 118.167.196.135
※ 文章網址: https://www.ptt.cc/bbs/Eason/M.1545465249.A.644.html