[新聞] 新莊辦"台語動詞"課程 用互動圖卡幫助學習

[CCY0927 (茹絮夢)]

公視新聞網 https://news.pts.org.tw/article/749619

新莊辦"台語動詞"課程 用互動圖卡幫助學習

發布時間：2025/5/4 19:15 更新時間：2025/5/4 20:08

張佳倪 莊浚佑/新北報導

https://www.youtube.com/watch?v=c5h2BtVV6K0

新莊的圖書館辦一門"學台語動詞"的課程，過程中用互動式的教材、教囡仔一寡生活台語
用詞。講師表示，這有通幫助囡仔共記落來、也提懸學習的動機，毋過目前這款教材較少
，希望未來會當加開發。(本則新聞標題、前言、內容皆為台文)

講師若用sak車來解說"sak"這个動詞，若用互動式的圖卡來幫助囡仔學習，這个課程和一
般的台語繪本故事活動無仝，有特別用互動式的台語教材，建立囡仔對生活上動詞感受，
講師也表示，融合互動教材會當提升囡仔五感，對學習真有幫助。

台語課程講師 楊玫蕙：「伊目睭看、喙去講、手去振動，伊按呢就會變做一个五感體驗
，就是五个物件(感官)，對伊身體連結的記持較有幫贊。」

課程當中除了看老師操作互動式圖卡來學各種動詞，囡仔家長也同齊做圖卡，毋但閣較了
解實體動作的方向、使用情境，現場家長也表示，這款圖卡予學習變甲誠活潑，而且圖卡
頂懸的字較少圖大，觀察落來囡仔較願意學。

家長：「較活潑、較趣味，囡仔咧學會較自然學。」

家長：「因為(圖卡)字較少，囡仔較學會起來、較會學。」

互動式教材發行人表示，教材發行大約伊冬，目前有一寡幼兒園、拄欲教囡仔台語的爸母
有使用這套教材，反應攏袂bái，按算今年8月左右會出版第二套互動式教材，到時也希
望通結合APP陪囡仔學習台語。

《台語嘛會通》互動式教材發行人 洪子桂：「阮這馬嘛咧設計第二套《台語嘛會通》互
動式學習組，8月的時陣嘛有《台語嘛會通》APP，希望予台語陪囡仔做伙大漢。」

另外講師也表示，伊家己佇國校仔教台語四冬，也觀察著目前學校教材，攏是以文字為主
，伊強調圖卡、互動式教具是教學真重要的一部份，會當予學習效果加倍閣較有效率，也
表示誠希望未來通有閣較濟台語互動式教材引入學校，打造豐富的台語學習環境。

買湘瑩/編輯


--
※ 發信站: 批踢踢實業坊(ptt.cc), 來自: 111.255.125.92 (臺灣)
※ 文章網址: https://www.ptt.cc/bbs/Gossiping/M.1746362549.A.E1C.html
→ SSSONIC: 好了啦 母語應該是越南印尼話了
→ NotUniqueSol: 台灣河洛話 不要亂簡稱
噓 applewolf: 台語必噓的
噓 www8787: 世界上閩南人後代就滯台閩男人最無恥
推 simara: 家裡的人不教，編再多教材都沒用
推 sufferlove: 推