[新聞] 亞視不獲續牌：劉錫賢冇感覺-個心打晒底

[wasabi1 (wasabi)]

亞視不獲續牌：劉錫賢冇感覺「個心打晒底」


【on.cc東網專訊】 經歷連串風波後仍一直堅守崗位的「亞視一哥」劉錫賢，對於亞視不
獲續牌，他直指冇感覺：「冇咩感覺，其實個心都打哂底，最差嘅情況大家都遇過，只係
到咗一個大家都唔想見到嘅結果。（手上仍有亞視工作？）冇乜工作，所有嘢都完哂，但
一切都照舊。係威仔（蔡國威）麻煩少少，佢仲有六合彩等節目喺手。」

http://ppt.cc/cnJ0

亞視不獲續牌：張文慈感激知遇之恩

【on.cc東網專訊】 行政會議最終決定不續牌給亞視，圈中各人都在微博大嘆可惜，藝人
張文慈坦言亞視對她有知遇之恩：「亞洲電視看來真的要完結了吧！亞視就是敗在王佂（
征）的手上了！雖然一直都是被看位（為）二奶台，但沒有ATV就沒有我。ATV 886～～很
多開心的回憶。」童星出身的黃美棋，雖然昨日笑指沒想過會在亞視出現，但她今日卻在
微博透露，指自己拍過唔少亞視製作的劇集：「拜拜了亞洲亞洲，原來我都拍了起碼四套
屬於本港台制（製）作的劇。」

http://ppt.cc/ZCjP

黎燕珊嘆亞視多年基業　敗喺唔適合嘅人選

【on.cc東網專訊】 行政會議決定不續牌給亞視，身為首屆亞姐冠軍的黎燕珊（珊姐），
直指這個結局很悲慘：「咁多年基業敗喺唔適合嘅人選身上，係個悲慘結局。如果會遣散
（亞視員工），就祝福大家搵到更好嘅工。」
嘆好事多磨
珊姐坦言感到傷感：「大家應該珍惜大氣電波，但依家咁慘淡收場。所有喺亞視呢個少林
寺出嚟嘅員工都唔想接受現實，好傷感！」問到仁美清叙會否受影響？身為主席的珊姐說
：「唔諗咁長遠，搞掂個牌先，希望仲有灰色地帶有得傾，好事總係多磨！」

http://ppt.cc/i7lS

亞視不獲續牌：黃秋生「唔係仲信亞視呀？」

【on.cc東網專訊】 行政會議決定不續牌給亞視，對此，曾揚言亞視應該執笠的黃秋生激
動表示：「早就應該唔好續牌畀佢啦，咁都得！佢呃晒全香港，新聞報道報啲咁嘅嘢，原
來又唔係嘅，係流料嚟嘅，早就應該唔續牌啦。（戥亞視員工失業徬徨？）咁都無辦法架
，跟着個咁嘅老闆，都無計o架。（得番一個電視台？）唉，都係咁啦，依家都無辦法，
邊有人買（亞視）吖。（傳今早有個白武士曾出現？）仲信佢咩，經過昨日嗰單嘢之後，
唔係仲信呀？」

http://ppt.cc/FyCQ

亞視不獲續牌：夏春秋「總好過拖泥帶水」

【on.cc東網專訊】 因為亞視主持《六合彩》令觀眾留下深刻印象的夏春秋，對亞視不獲
續牌大呼可惜，不過亦覺得無辦法：「依家咁樣（不獲續牌），總好過成日拖泥帶水，佢
（指亞視）依家好似一個垂死掙扎嘅病人，快啲拔喉，投胎做人咪仲好，我個人覺得邱德
根（亞視前老闆）過身，就好似標誌住亞視嘅年代要結束。」
夏春秋直言早在麗的年代開始幫亞視打工，做了四十幾年，差不多半個世紀，又謂當年在
亞視工作的日子非常開心，對於能夠成為六合彩主持，做到深入民心更是無限光榮。

http://ppt.cc/P-x4

亞視不獲續牌：蔡國威指王征累600員工陪葬

【on.cc東網專訊】 之前強調想求證亞視不獲續牌消息真偽的「六合彩之子」蔡國威，看
畢官方記者招待會後直呼無奈：「感覺好激動同無奈，點解一個人作孽，要600幾個員工
陪葬。」威仔更坦言口中人就是王征：「佢一直做錯好多嘢，搞跨咗亞視。」
對於記者會指亞視需在3月31日前交代進展，威仔認為亞視大部份人屬不知情，認為亞視
在限期前未能作出交代，更指事件是王征的個人責任，對於亞視未來的營運情況，威仔大
呼擔心：「明知冇牌，邊會有老闆咁傻仲會注資，如果亞視突然倒閉，大家打開電視冇嘢
播，到時係咪政府有部門會照顧600幾位員工？」
手頭上仍有數個節目的威仔，透露目前仍未收到公司有關工作通知，並指節目前景不明朗
：「最擔心係六合彩，始終亞視係有個責任去發放訊息，同馬會係有合約，好擔心之後嘅
日子仲有冇人開工。」

http://ppt.cc/jSyE

亞視不獲續牌：朱慧珊當ATV係第二個屋企

【on.cc東網專訊】 1985年參選亞洲小姐入行的朱慧珊，對於亞視不獲續牌大感難過，她
說：「之前啲消息都好亂，依家要接受，我都好擔心啲同事嘅去向，始終香港咁多年都無
試過有電視台不獲續牌，亞視歷史亦非常之悠久，真係好可惜！」
朱慧珊坦言跟亞視有非常深厚的感情：「85年當選之後，就加入亞視，呢份亦係我第一份
工，工作咗四年，之後離開去咗無綫，99年再返亞視，我當亞視喺我第二個屋企。當年當
選亞姐，邱德根掌政，佢對我相當之好，我選完亞姐乜都唔識，但佢都畀好多機會我去拍
劇、做主持，真係學到好多嘢，之後再返亞視，我就試做新聞部，都係一個新挑戰，同埋
主持《慧珊時尚坊》，做主持兼做埋幕後，亦都學到好多，好有滿足感。」

http://ppt.cc/v98G

亞視不獲續牌：徐小明感嘆想幫都幫唔到

【on.cc東網專訊】 行政會議決定不續牌給亞視，對此香港電視專業人員協會會長徐小明
，坦言自己於亞視出身，故相當關注亞視動向。

爆德勤冇覆機
他透露有具誠意的上市公司有意拯救亞視，並透過他聯絡亞視執行董事葉家寶及亞視經理
人德勤。徐小明又指自己一直努力聯絡德勤，力求能於最後一分鐘挽救亞視，可惜對方一
直未有回覆：「尋晚都估亞視牌照凍過水，所以一直到今朝都打電話畀德勤，但唔成功。
本來想盡一分力，結果大家都睇到啦。有意幫亞視嘅上市公司甚至想簡化手續，以私人名
義收購亞視，但德勤冇覆機，好可惜！」

曾為亞視打過三次勝仗
徐小明又坦言聽到亞視不獲續牌消息後感到晴天霹靂，他憶述指過往為亞視效力期間，曾
成功打過三次「勝仗」：「第一次係劇集《大地恩情》熱播令無綫腰斬《輪流轉》。第二
次係邱德根入主亞視，當年製作嘅《武則天》、《秦始皇》等劇集幫過亞視賺錢，仲同對
手喺收視上有六四之爭。之後吳征入主亞視，我買入《環珠格格》等劇集，帶嚟另一個收
視高潮。」

對觀眾投資者係損失

他坦言若亞視不獲續牌，會造成各界損失：「對觀眾同投資者都係損失，亞視節目係集體
回憶，喺電視史上留下輝煌一頁。一夜之間冇咗一個電視台，令人講唔出嘅難過。」

http://ppt.cc/weHy

--
※ 發信站: 批踢踢實業坊(ptt.cc), 來自: 219.73.44.237
※ 文章網址: https://www.ptt.cc/bbs/HK-drama/M.1427889761.A.7D5.html
推 KingKingCold: 大飛哥根本先知XDDDDD
※ 編輯: wasabi1 (219.73.44.237), 04/01/2015 20:42:07
→ wasabi1: 會不斷更新~~~
※ 編輯: wasabi1 (219.73.44.237), 04/01/2015 20:55:21
※ 編輯: wasabi1 (219.73.44.237), 04/01/2015 21:19:15
※ 編輯: wasabi1 (219.73.44.237), 04/01/2015 21:42:40
推 WTOH: 辛苦原po了～
推 cdwaver: 恭喜亞視！！！！！（灑花慶祝
推 pattda: 結果小蜜桃跑去HKTVXD
推 bigalow: R.I.P.
推 bigalow: wiki上面已經開始倒數365天了
推 WTOH: 旺中應該買下來變成老闆 這樣可以把觸角延伸到香港 誤~XD