https://reurl.cc/dXGQDV
與任賢齊首結片緣 郭富城自薦以哨牙Look示人
郭富城（城城）、林家棟、任賢齊（小齊）及張可頤等昨日在葵涌貨櫃碼頭拍攝電影《臨
時械劫》。城城和小齊相識20多年，但原來今次才是兩人首度在電影上合作；城城在片中
又以哨牙look現身，認真有驚喜。
郭富城在《臨時械劫》中飾演賊王，哨牙造型與平時的型仔形象大相逕庭，他指由於電影
屬黑色幽默，所以主動提出以哨牙look示人。城城笑謂︰「因為套住咗假哨牙，有時講嘢
太激動或者動作太大，啲假牙就會彈出嚟，搞到要NG，但我哋又覺得幾好笑。」
城城與任賢齊相識20多年，但原來這是兩人首次合作拍電影，他們都直言感覺特別，小齊
說：「之前成日同小美（城城經理人）講想同城城拍戲，今次終於有機會。」兩人又互笠
高帽，城城大讚小齊有喜感，小齊即讚城城的造型有驚喜，並欣賞對方專業認真。
不覺除夕與MIRROR打對台
另外，城城將於大除夕夜出席中環海濱倒數表演，問他如何分配時間排舞及拍戲？他表示
︰「其實有啲戲份得小齊同家棟拍，我就可以抽時間去排舞。其實對上一次喺舞台上唱歌
，已經係上年喺尖沙咀海旁嘅抗疫騷，今次再有機會排舞感覺好興奮。」提到城城當晚將
與人氣男團MIRROR「打對台」，城城說︰「其實可以喺大節日表演，令觀眾睇得開心係一
件好事，唔好話『打對台』，最緊要成件事開心，我都好欣賞一啲新嘅歌手，希望各自都
做好個show、享受個節目。」
至於在片中飾演警察的張可頤，直言這是第一次拍揸槍戲份︰「入行以嚟有兩樣嘢最驚，
第一係燒炮仗，第二就係拍槍戰，每次拍都會腳軟，所以今次係走出舒適圈嘅一大突破，
依家仲有少少愛上（揸槍）！」
採訪︰Pauline
美術︰顏玉玲
--
世間有 謗我 欺我 辱我 笑我 輕我 賤我 騙我 如何處置？
只要 忍他 讓他 避他 由他 耐他 不要理他 再過幾年 你且看他。
--
※ 發信站: 批踢踢實業坊(ptt.cc), 來自: 49.217.195.89 (臺灣)
※ 文章網址: https://www.ptt.cc/bbs/Richie/M.1641814828.A.F17.html