噓 MrJohn: 怎啦? 被廟會鞭炮炸壞啦? 01/01 00:29
噓 MrJohn: 還是檳榔汁、隨地大小便、酒罐亂丟，濕氣太重導致壁癌? 01/01 00:35
推 somebikes: 嗯 大概是樓上的怨念吧 01/01 00:48
推 hinajian: 一樓真幽默 恨這樣是被廟公綠了嗎 01/01 01:27
→ mattc123456c: 不知道這道新聞有無華語版？ 01/01 01:45
推 rocksin: 有人看到廟就噓...... 01/01 05:52
https://news.pts.org.tw/article/561091
臺南大天后宮壁畫損害嚴重 科學檢測助修復
陳嘉筠 賴威佐 / 臺南報導 發布時間：2021-12-30 19:15 更新時間：2021-12-30 19:29
https://www.youtube.com/watch?v=j9TrYY3CYOY
時代咧進步，臺灣真濟廟寺整修，毋但愛有傳統藝師，這馬嘛會使用科學儀器鬥相共，予
古蹟文物的保存閣較久長，親像臺南國定古蹟，祀典大天后宮，一寡珍貴壁畫的壁癌真嚴
重，佳哉透過科學檢測，已經沓沓仔修復。
徛佇壁畫頭前，團隊利用熱影像儀器咧檢測，壁畫的溫度敢有正常。
因為這幅陳玉峰大師的壁畫，有的彩繪已經烌去矣，壁內底的鹽份佮曝日，攏是造成彩繪
損害的原因，欲共修復，親像人咧敷面仝款，in開始佇壁畫頂面糊面糊。
國立臺灣藝術大學古蹟藝術修護系助理教授，邵慶旺表示：「敷泥材料，遮的材料上主要
就是，咱遮的鹽份透過水共吸收出來，吸收出來以後，伊會走去咱脫鹽的材料面頂。」
台灣藝術大學佮台南藝術大學團隊，這三冬來一直佇大天后宮修復壁畫，遮攏總有32幅壁
畫，攏受著鹽害，就是咱所講的壁癌，團隊為著欲解決，利用各種科技佮儀器，了解壁體
的成份，閣有水份佮鹽牢佇佗位。
國立臺灣藝術大學古蹟藝術修護系助理教授，邵慶旺表示：「阮上長的時間捌脫到六七十
遍，咱袂使講咱為著予伊媠媠的，咱就毋甘開時間修理，修理好你可能，咱講的治標無治
本，按呢就是無伊的效果，」
大天后宮，是台灣第一座官方起的媽祖廟，是國定古蹟，進前修護，大部份攏是重畫，無
幾冬就又閣烌去。
全台祀典大天后宮主委，曾吉連表示：「從民國82年到這時，幾若擺的修復，攏無可能斷
根，這擺看會當按這个脫鹽的工程，共這个壁畫攏總做好勢。」
國立臺灣藝術大學古蹟藝術修護系助理教授，邵慶旺表示：「遮的師傅遮的畫師，用
的材料、的技術、的美感，佮咱這馬完全攏無仝款，所以阮攏會希望盡量共伊保
留落來。」
除了共壁畫脫鹽、重新修復，現場嘛有這兩台負離子產生器，利用負離子去敆油煙、汙染
物，壁畫就會當維持清氣，袂閣烏去。台灣的文資保存觀念，已經對古蹟修復升級到管理
佮維護，運用最新科技來保護廟寺的文化資產，文資處會推廣到其他所在。
--
※ 發信站: 批踢踢實業坊(ptt.cc), 來自: 114.39.59.222 (臺灣)
※ 文章網址: https://www.ptt.cc/bbs/Tainan/M.1640964201.A.7F0.html