作者lovechai (kuruma)
看板BB-Love
標題[自創] 甜甜
時間Mon Sep 24 01:51:38 2018
怹某入來叫伊的時陣，伊拄才睏中晝起來，頭殼猶擱無全醒，無聽清楚伊講啥。
伊昨暝嘛是真晚才睏去，透早擱真早就要入貨、點貨、送貨，這個月是舊曆七月，庄
仔內逐天攏有人拜拜，買米買豆油買糖仔餅仔，買拜拜的什貨，無閒甲中晝攏要下晡才有
閒好呷飯，稍歇一下。
怹某講是賣糖的來進貨，庄仔內的人愛呷甜，尤其拜拜攏是厝內家己煮，逐款的糖攏
好賣，毋擱這個月雨水真濟，糖仔粉無法度放很久，過幾天就要進貨。
伊淺拖仔穿著出去甲送糖的阿雄鬥搬貨，阿雄猶送一盒油飯兩粒紅卵來，講怹某拄生
第二兮，一个後生一个查某囝，怹某逐天顧袂路來。
「什時陣輪到你啊？查晡查某攏好，生一个來予姆仔騙。」
阿雄簽完單，講完就走了，留伊佮怹某無話講。怹阿母這陣拄好從診所返來，看伊兩
兮人站佇彼頭犁犁，問是啥代誌，伊應講無啥，怹阿母擱看到桌頂有油飯紅卵，問是啥人
生後生。
怹某越頭入去灶腳，伊吐一口氣，講是送貨的阿雄。怹阿母坐佇算帳桌仔頭前，聽伊
講按呢，一時嘛無話好應。
某娶進來三冬了，無生半个，伊知影，怹阿母嘛知影，毋是尪某兩人誰身體有問題。
無法度睏作夥才是問題。
外面咧落雨。
伊想起彼陣代誌發生嘛是這个時節。西北雨佮風颱相續袂停，落甲人心內憔嘈。住佇
庄頭怹鬥陣欸阿明歸身軀淋甲濕糊糊，走入來店內講，出代誌了。
「我講話你有聽到無？」
伊回神，越頭看，怹阿母扶腰那行入去房間那佮伊講，「這兩天外面好兄弟拜拜咧。」
伊才想起來，今年怹厝猶袂拜好兄弟。怹阿母頂禮拜去閃到腰，爬高落崎、搬物件攏
無方便，早就交代伊要款拜拜，伊一無閒就袂記了，厝內開雜貨兮顛倒比人較晚拜。
阿母入去歇睏，伊坐在桌前算帳。物件是真雜，毋擱嘛沒足麻煩，伊昨暝沒睏好，目
睭足澀兮，應該要入去睏啊。但是伊只是坐佇彼，看外面雨一直落。
「今仔擱有一包糖粉落佇土腳，破一小孔，狗蟻生甲。」怹某站佇門邊，「一定是有
鳥鼠，甘欲去買一个籠仔來抓？」
伊挼挼目睭圈，想起前幾天怹某佮伊講過，店內若像有鳥鼠，前兩天是破一包土豆粉
，今仔日擱破一包糖粉。
「好，我明仔載處理，妳先去睏。」
怹某點頭，越過欲入去，想想咧擱越轉來，問他；「你猶毋睏？」
「我款貨，妳先睏。」
「逐暗攏款貨，那有這濟貨好予你款？」怹某講咧講咧，越講越大聲，「今仔阿母擱
佮我講，囝仔若生袂出來，甘欲去領養一个……」
「好啊啦！」
伊大聲喊這聲出來，怹某隨恬去，目圈紅起來。伊吐一口氣，聲放落軟，「我款好就
進去，妳先去睏，囝仔的代誌我擱佮阿母講。」
怹某沒伊兮法，越頭進去，關門之前問伊：「逐天安呢摻像生份人，到底為什物欲
娶我？」
伊無法度回答伊兮問題。講出事實，只是傷害這兮無辜兮查某人。
只是予他越想彼个人。
隔轉天， 天拄打晡光伊就清醒，幫怹某蓋好被，行落去店內看甘有抓到鳥鼠。怹阿
母聽媳婦講一直有物件落下擱抓無鳥鼠，開始唸甘會是好兄弟吃無牲禮、香灰咧討，伊聽
到煩，半暝仔嘛睏袂去，就先放好捕鼠籠仔。
伊才行進去店內，就看到貨架落一包糯米粉落來。米粉袋仔破一孔，有狗蟻排作一排
咧搬粉，伊行過去拾起來，拿樹乳綁起來，佮彼兩包仝款破孔兮糖粉、土豆粉放作夥，看
咧看咧，目圈漸漸紅起來。
伊店無開，彼三包材料提咧就入去灶腳。無閒到天光，外面有人欲來買豆油，敲門敲
甲怹阿母起來看，那開門那大聲喊，啊店放咧無開，人是走去佗。
伊無應聲，怹阿母揣來灶腳，看伊無閒甲大粒汗細粒汗，嘴開開一時毋知欲講啥，看
伊開始起鼎，才問：「哪有人拜拜咧拜白糖粿？」
「嗯。」伊只有應這聲，提起一條粿落油鼎，灶腳隨充滿香味。
「嗯啥？無緊予阿滿入來鬥腳手，炸這欲做啥？」
粿仔攏落鼎，伊才舉頭看怹阿母：「好兄弟咧討。」
怹阿母目睭瞪開，伊無等怹阿母開嘴，續落去擱講：「我兮好兄弟咧討。」
「你、你是咧講啥啦？！」
伊舉箸攪油鼎內浮沉兮粿，「妳甘擱會記，以早阿清上愛呷白糖粿。」
這个名一講出來，怹兩人攏暫時無出聲，伊手頭兮箸那攪，伊兮心肝頭那疼。
「妳袂曉做這，所以咱兩人就從店內提麵粉，去拜託阿嬤炸予阮吃。阿嬤破病了後，
我就請阿嬤教我，毋過我無炸幾擺予呷，伊就去了。」
粿仔起鼎，掖上白糖粉佮土豆粉，伊看著完成兮白糖粿，心內空空。
「你是不是到現在猶咧怪我？」阿母問伊。
「我無怪妳。」伊講，「我怪我家己。」
怪家己無夠自私。或者講，怪伊太自私，佗一邊攏想欲完滿，落尾，佗一邊攏失敗。
作為一个後生，一个尪婿，一个愛人。
怹阿母越頭行出灶腳以前只講一句話：「彼盤白糖粿不准提出去拜拜。」
彼盤白糖粿落尾放在桌頂，無提出去。
暗頓因為有拜拜三牲真豐沛，彼盤白糖粿嘛無人呷。怹某摻像知影啥物，歸日攏無講
話，早早就去睏。伊一个人坐佇關門兮店內，點著一支菸，無吸，恬恬看菸屎變長、落拄
桌頂，聽外面落雨聲不時大聲，不時細聲。
菸熄去兮時，灶腳有聲傳來。真細聲兮振動，無詳細聽就聽無，伊想講可能是彼隻害
伊歸暝無睏的鳥鼠，總算予等著。
伊淺拖仔無穿，電火嘛無開，跕腳行入去灶腳，借著窗外兮月娘，伊看著阿清坐在桌
前，摻像過去等伊炸白糖粿彼樣，手突佇下頦，含笑看伊。
「阿清……」
「久無炸，有淡薄仔生疏喔，稍寡仔油。」
伊站佇門邊，毋敢相信家己兮目睭。過去有太多擺，伊以為阿清轉來揣伊，聽到伊
兮聲音，攏只是伊咧暝夢。事實上伊無看過阿清，伊無識入伊兮夢，伊一直想講阿清咧
怪伊。
這時阿清來揣伊，伊顛倒心內驚惶，心內有不好兮感覺。
「來，這坐，陪『好兄弟』呷一塊白糖粿。」
伊慢慢行過去，在桌邊坐落，阿清就佇伊眼前，一點攏無變，連目尾彼點黑痣，以前
伊最愛摸、最愛親兮黑痣，攏看甲彼呢仔清楚。
「你今仔日無應該彼樣對恁阿母講話。」
伊聽著心內有寡委屈，「……連你嘛來怪我？」
「代誌已經過去了，你有新兮責任。」阿清講話猶是彼樣溫柔，斯文擱好聲說，講出
來兮話卻親像刀子咧割，「你選擇了。」
伊手握作拳頭，出力甲筋攏浮起。阿母怪伊行歪路，家後怪伊無像查晡人，遐攏無要
緊，但是阿清嘛來怪伊，伊甘苦甲無法度舉頭看伊，驚一看就會哮；但是擱驚毋看，阿清
就無佇咧啊。
目圈燒燒，伊咬舌吞忍，阿清消瘦兮手伸來，貼佇伊出力甲咧顫的手頂頭，輕輕仔
拍(tah)兩下。
「我罕得來揣你，莫安呢。來，陪我呷白糖粿。」
阿清提一塊予伊，伊伸手接著，阿清家己嘛提一塊，咬一嘴了後對伊笑。
「呷甜甜，明年生後生。」
聽到這句話，手頭兮白糖粿掉落土腳，伊手弓佇腳頭趺，目屎輾落來。
「呷甜甜，明年生後生。」阿清提一塊拄才炸好兮白糖粿，呷甲嘴油油擱有糖粉，那
吃那唸。
伊伸手幫伊擦嘴，「這你講兮喔，你欲幫我生後生！」
「我生會出來你猶著煩惱？」
「你家己講明年生後生兮。」伊甲攬咧，手去摸伊兮腹肚，那摸那笑，「毋是後生，
查某囝嘛會使。」
「會使，你才推屎啦！」
「咧呷物件，莫黑白講話。」伊犁頭，隔衫佇阿清兮腹肚親一下，「會生袂生，查晡
查某，攏無要緊。」
有你佇咧，就好。
「莫哭啊。」
伊舉頭看阿清，阿清叫伊莫哭，家己顛倒流目屎。伊伸手去拭，阿清嘛來幫伊拭。
「以後若想欲呷，來佮我講，我擱炸予你。」
阿清搖頭，「無啊，明年袂來啊。」
「為什麼？」
「以後袂來啊。你家己好好保重。」
伊緊張，伸手去抓阿清，伊人明明就佇面頭前，卻安怎抓攏抓袂著。
阿清對伊笑，摻像以前對伊笑彼樣。
伊睜開目睭，外面天才光，雨已經停了。
怹某猶咧睏，四周圍恬靜靜，伊感覺目圈有寡酸澀，舉手去挼，才發現家己咧哭。
伊腳手放輕，行落去灶腳，窗外兮日頭罩入來，內面無人，無閒兮一天才拄欲開始。
伊行到桌邊，彼盤白糖粿猶放佇桌頂，稍寡出油，土豆粉變燒寡濕濕。伊慢慢坐落，
算盤仔內兮的白糖粿。
一塊攏無人振動。
＿＿＿＿＿＿＿＿＿＿
配樂：
https://tinyurl.com/ya5xx9ns
其實這篇本來要參加八月的食神活動
然而彼時心有餘力不足，這幾天才得空寫出來
寫時筆電還故障，艱辛產出，請包含我用字的不精確（跪）
雖然主角一樣叫阿清，但是和〈鹹鹹〉的設定不是同一個人
至於當初兩人到底發生什麼事，就留個白吧
【北藤貴小 Q A 】
Q：如果戀人跟你說他想吃白糖粿，你會……
雨禾：馬上去買（寵師行動派
老師：下次出門的時候一起去找（喜歡和對方一起履行派
圓圓：自己做給他吃（高三就考了中餐丙級證照的強者派
亮亮：跟他說我也想吃（坐等吃貨派
小信：要買那個XX路XX街的巷子那間（台南人謎之私房店派
圓亮組也在努力產出中
大家中秋節快樂～
--
※ 發信站: 批踢踢實業坊(ptt.cc), 來自: 36.237.97.27
※ 文章網址: https://www.ptt.cc/bbs/BB-Love/M.1537725105.A.A54.html
※ 編輯: lovechai (36.237.97.27), 09/24/2018 01:53:58
推 zazazas: 看完有點心酸... 09/24 02:06
吃點白糖粿補回來~
推 Chenyeh: 這篇好棒！！好有感情，看完心酸酸的QQ 09/24 02:09
謝謝~送你一塊白糖粿~
推 marronn: QQQQQQQ真的不是同一個嗎（大哭）這樣會覺得鹹鹹是悲劇 09/24 10:18
→ marronn: 啦嗚嗚 哪裡有甜甜的 太難過了 09/24 10:18
我只是懶得取別的名字XD 鹹鹹的阿清會幸福的（應該吧
推 shinchoco: 淚推白糖粿好吃！ 09/24 12:29
我也好久沒吃了~好吃好吃~
推 pvtfail: 沒吃過白糖粿不過這篇沒有甜甜啦QQ 09/24 12:59
→ pvtfail: 等一下小信沒有戀人，這話要說給誰聽啦wwwww 09/24 13:00
太太突破盲腸了XDDD
小信：幹~~連你都這樣~~Q口Q
推 yidia0229: 完全看不懂 外省人感到哀傷 09/24 13:51
啊呀金拍寫~暫時無力翻譯~反正甜甜的就是了（別亂騙
推 karenwolf: 好哀傷QQ 文筆好棒 09/24 15:04
謝謝~
推 sparklekyu: 不QAQ好心酸 09/24 15:08
乖~給你一塊白糖粿~
推 judge1226: 客家人表示QQ 09/24 15:39
母語不同~要我寫成客語我也無法XD
推 chokore: 哭哭 台語看起來特別有味道欸 09/24 15:58
謝謝~
推 arkar: 太好看了嗚嗚嗚嗚嗚全身起雞皮疙瘩TTTTTTTTT 09/24 18:21
謝謝arkar大-///-
推 menghsinchen: 文筆太好了，看到哭……… 09/24 18:34
別哭~吃塊白糖粿甜回來~
推 mooonlight: 哎呀，被標題騙進來，結果...哭！但是真好看。第一次 09/24 19:09
→ mooonlight: 看到台語的文，看的有點吃力，我一邊看一邊讀出來，真 09/24 19:09
→ mooonlight: 的好有味道！心裡很酸。大大真棒。表白。 09/24 19:09
謝謝你~~ 我查字也查滿久的XD
推 span: 特地登入推QAQ含蓄的情感好催淚，而台語讓這篇的環境活了 09/24 22:10
謝謝你特地登入~
推 sueannon: 推。 09/24 23:01
謝謝~
推 xenia29: 嗚嗚嗚嗚推 09/24 23:15
謝謝~
推 w23040085: 足傷心ˊˋ 推 09/25 20:01
莫傷心，請你呷粿~~
很抱歉推文那麼晚回
謝謝在觀文的每個你們<(_ _)>
推 sleetyarn: 好喜歡，覺得這篇台語比上一篇難XDD 09/26 18:07
可能字找得比較不是平常會用的XD
字詞上是參考教育部的台語典
推 qq2371928: 文筆好到起雞皮疙瘩，看完覺得好心酸QQ 09/26 23:58
謝謝你~
※ 編輯: lovechai (1.173.55.36), 09/29/2018 01:53:24
推 onion1996: 寫得好好QQ用僅存的臺語能力不知不覺看完了 心酸~ 10/10 21:03